SHBA bojkoton konferencën e OKB-së për racizmin

Uashington -Shtetet e Bashkuara të Amerikës, do të bojkotojnë konferencën e Kombeve të Bashkuara kushtuar racizmit, e cila mbahet javën e ardhshme për shkak të gjuhës jo adekuate që përmban dokumenti i këtij takimi për Izraelin dhe Perëndimin, ka deklaruar zëdhënësi i Departamentit të Shtetit, Robert Vud.

Ai ka theksuar se SHBA-të nuk do të marrin pjesë në këtë konferencë pasi në tekstin e saj përfundimtar nuk janë marrë parasysh vërejtjet e Uashingtonit për qëndrimet antiamerikane dhe antiperëndimore.