SHBA për Bosnjën stabile

Ndihmësi i zëvendëssekretarit amerikan të shtetit, Thomas Countrymen, theksoi se synimi afatgjatë i SHBA-së është Bosnja stabile dhe e suksesshme, me dy etnitete të fuqishme dhe një qeveri efikase në nivelin shtetëror, e cila do të ndihmojë që Bosnja të lëvizë drejtë BE-së.

Countrymen theksoi se ka zhvilluar një bisedë me presidentin e Republikës Serbe, Milorad Dodik, me të cilin tha se ka folur për zhvillimin e marrëdhënieve brenda Bosnjës, si dhe për marrëdhëniet e Bosnjës me SHBA-në dhe BE-në.

“Shikuar në periudhën afatgjate, kemi pikëpamje të ngjashme në lidhje me ardhmërinë e Bosnjës dhe të rajonit”, tha Countrymen.