SHBA, pesë vjet nga uragani Katrina, Obama viziton Nju Orleans

Nju Orleans, 29 gusht, NOA - Sot mbushen plot pesë vjet që kur uragani Katrina e shkatërroi Nju Orleansin në brigjet jugore të Amerikës.

Ceremoni përkujtimore pritet të mbahen me rastin e ngjarjes, ndërsa do të flasë edhe presidenti Barak Obama.

Katrina la rreth 2 mijë të vdekur dhe mbi një milion të pastrehë në vitin 2005, por pesë vjet më pas, rimëkëmbja ka qenë e ulët.

Një pjesë e mirë e banorëve të zonave të përmbytura nuk janë kthyer ende të banojnë duke e cilësuar vendin si të papërshtatshëm.
Qeveria amerikane ka hedhur miliona dollarë për të përmirësuar kushtet e banimit dhe të terrenit në zonë.

a.k/NOA