Saimir Larti do të prehet në varrezat e dëshmorëve
02/05/2009 Historia komplekse e 21-vjeçarit që hodhi bustin e Enver Hoxhës dhe vrasja më pas në Greqi
Saimir Larti nga fshati Bulgarec i rrethit Korçë, që i hodhi në qafë kavon prej çeliku përmendores së diktatorit Hoxha dhe që më pas gjithë të tjerët do ta tërhiqnin zvarrë në gjithë Korçën, tashmë do të jetë Dëshmor i Atdheut. Saimir Larti do të jetë i pari që do të prehet në varrezat e dëshmorëve të atdheut. Aktualisht ende nuk është marrë ky vendim, por paraprakisht ka rënë dakord edhe Këshilli i Qarkut Korçë edhe Këshilli i Bashkisë së qytetit të Korçës, edhe pse kjo e fundit nuk ka ndonjë rëndësi të veçantë në vendimmarrjen e saj.
Vendimi
Mbi të gjitha shoqatat e ish-të përndjekurve politik, të ish–pronarëve dhe shoqatave të tjera, që përkrahin njerëzit e persekutuar kanë dhënë pëlqimin që ky djalë të prehet te varrezat e dëshmorëve të atdheut. Do të jenë këta të fundit që arkivolin e tij do ta mbajnë në krah dhe do të çojnë atje, të vendi i nderit. Shumëkush prej tyre shprehet se, vendosja e Saimirit Lartit tek varrezat e dëshmorëve të atdheut nuk është sfidë për ata që luftuan për çlirimin e atdheut, sepse mbi të gjitha do të jetë ky djalë i ri që do t’u thotë të vrarëve se amanetin e tyre për një Shqipëri demokratike e çuan në vend shumë djem dhe vajza të reja, pasi kuptuan se diktatori Hoxha kishte tradhtuar gjithë ëndrrat e shqiptarëve. Sigurisht ceremonia e varrimit do të organizohet nga Këshilli i Qarkut Korçë, sipas të gjitha procedurave të parashikuara nga ligji, por ajo që pritet të ndodhë ka të bëjë me faktin se në këtë ceremoni varrimi do të marrin pjesë shumë njerëz të ardhur nga vendlindja e tij, nga ish –të përndjekurit politikë, përfaqësues të Partisë Demokratike, por një gjë është e sigurt se në këtë ceremoni mortore do të marrin pjesë gjithë qytetarët e qytetit të Korçës, ata njerëz që kanë aspiruar për liri dhe demokraci, larg çdo lloj diktature. Megjithatë, njerëz të afërm të Saimir Lartit shprehen denjësisht se kjo ceremoni nuk do të jetë sfidë e njerëzve që luftuan për çlirimin e atdheut, por do të jetë sfidë e gjithë tradhtive të atdheut, të kryera nga diktatori Hoxha. 21- vjeçari Saimir Larti, së bashku më të tjerët i hodhën në qafë kavon prej çeliku diktatorit Hoxha më 20 shkurt të vitit 1991 dhe e rrezuan përfundimisht nga “piedestali” mbi të cilin qëndronte. Çdo ditë e re që vinte bëhej më e vështirë për të gjithë ata që kishin shembur përmendoren e diktatorit Hoxha. Njerëzit e policisë dhe të Sigurimit të Shtetit i gjurmonin në çdo hap e në çdo minutë të ditës. Për ta mbetej vetëm një rrugë: Ose të vriteshin “aksidentalisht” nëpër rrugët e Korçës, ose të largoheshin drejt vendeve të tjera fqinje për të shpëtuar jetën e tyre. Këtë rrugë zgjodhi edhe 21-vjeçari Saimir Larti. Shkoi në Athinë të Greqisë për të qenë larg syve të Sigurimit të Shtetit.
Vrasja e Saimir Lartit
Saimir Larti u nis drejt Greqisë më 28 maj të vitit 1991. Jo vetëm ditën e ikjes, por edhe të gjitha faktet e tjera janë dhënë ekskluzivisht për gazetën “Metropol” nga babai i Saimirit, Namik Larti dhe nëna e tij, Pranvera Larti. Saimiri u largua nga Shqipëria dhe u vendos në Athinë të Greqisë. Ndërsa ai punonte në një nga lokalet në lagjen “Iraklis” të Athinës, njerëz të panjohur shkuan atje dhe e helmuan. Ata që e kishin ftuar për kafe i ishin prezantuar si shqiptarë. I kishin dhënë vetëm një kafe dhe vetëm kaq…. Ndërsa “shqiptarët” ishin larguar, ai mbeti i vdekur mbi tavolinën e lokalit.
Saimir Larti nga fshati Bulgarec i rrethit Korçë, që i hodhi në qafë kavon prej çeliku përmendores së diktatorit Hoxha dhe që më pas gjithë të tjerët do ta tërhiqnin zvarrë në gjithë Korçën, tashmë do të jetë Dëshmor i Atdheut. Saimir Larti do të jetë i pari që do të prehet në varrezat e dëshmorëve të atdheut. Aktualisht ende nuk është marrë ky vendim, por paraprakisht ka rënë dakord edhe Këshilli i Qarkut Korçë edhe Këshilli i Bashkisë së qytetit të Korçës, edhe pse kjo e fundit nuk ka ndonjë rëndësi të veçantë në vendimmarrjen e saj.
Vendimi
Mbi të gjitha shoqatat e ish-të përndjekurve politik, të ish–pronarëve dhe shoqatave të tjera, që përkrahin njerëzit e persekutuar kanë dhënë pëlqimin që ky djalë të prehet te varrezat e dëshmorëve të atdheut. Do të jenë këta të fundit që arkivolin e tij do ta mbajnë në krah dhe do të çojnë atje, të vendi i nderit. Shumëkush prej tyre shprehet se, vendosja e Saimirit Lartit tek varrezat e dëshmorëve të atdheut nuk është sfidë për ata që luftuan për çlirimin e atdheut, sepse mbi të gjitha do të jetë ky djalë i ri që do t’u thotë të vrarëve se amanetin e tyre për një Shqipëri demokratike e çuan në vend shumë djem dhe vajza të reja, pasi kuptuan se diktatori Hoxha kishte tradhtuar gjithë ëndrrat e shqiptarëve. Sigurisht ceremonia e varrimit do të organizohet nga Këshilli i Qarkut Korçë, sipas të gjitha procedurave të parashikuara nga ligji, por ajo që pritet të ndodhë ka të bëjë me faktin se në këtë ceremoni varrimi do të marrin pjesë shumë njerëz të ardhur nga vendlindja e tij, nga ish –të përndjekurit politikë, përfaqësues të Partisë Demokratike, por një gjë është e sigurt se në këtë ceremoni mortore do të marrin pjesë gjithë qytetarët e qytetit të Korçës, ata njerëz që kanë aspiruar për liri dhe demokraci, larg çdo lloj diktature. Megjithatë, njerëz të afërm të Saimir Lartit shprehen denjësisht se kjo ceremoni nuk do të jetë sfidë e njerëzve që luftuan për çlirimin e atdheut, por do të jetë sfidë e gjithë tradhtive të atdheut, të kryera nga diktatori Hoxha. 21- vjeçari Saimir Larti, së bashku më të tjerët i hodhën në qafë kavon prej çeliku diktatorit Hoxha më 20 shkurt të vitit 1991 dhe e rrezuan përfundimisht nga “piedestali” mbi të cilin qëndronte. Çdo ditë e re që vinte bëhej më e vështirë për të gjithë ata që kishin shembur përmendoren e diktatorit Hoxha. Njerëzit e policisë dhe të Sigurimit të Shtetit i gjurmonin në çdo hap e në çdo minutë të ditës. Për ta mbetej vetëm një rrugë: Ose të vriteshin “aksidentalisht” nëpër rrugët e Korçës, ose të largoheshin drejt vendeve të tjera fqinje për të shpëtuar jetën e tyre. Këtë rrugë zgjodhi edhe 21-vjeçari Saimir Larti. Shkoi në Athinë të Greqisë për të qenë larg syve të Sigurimit të Shtetit.
Vrasja e Saimir Lartit
Saimir Larti u nis drejt Greqisë më 28 maj të vitit 1991. Jo vetëm ditën e ikjes, por edhe të gjitha faktet e tjera janë dhënë ekskluzivisht për gazetën “Metropol” nga babai i Saimirit, Namik Larti dhe nëna e tij, Pranvera Larti. Saimiri u largua nga Shqipëria dhe u vendos në Athinë të Greqisë. Ndërsa ai punonte në një nga lokalet në lagjen “Iraklis” të Athinës, njerëz të panjohur shkuan atje dhe e helmuan. Ata që e kishin ftuar për kafe i ishin prezantuar si shqiptarë. I kishin dhënë vetëm një kafe dhe vetëm kaq…. Ndërsa “shqiptarët” ishin larguar, ai mbeti i vdekur mbi tavolinën e lokalit.