Sanremo refuzon këngën e Vittorio Sgarbit

Kënga “Si Kleopatra” që ka për autor gazetarin e njohur italian Vittorio Sgarbi nuk është pranuar në festivalin e “Sanremos”. Dy drejtorët artistikë të këtij edicioni Paolo Bonolis e Gianmarco Mazzi nuk e kanë përfshirë këngën e interpretuar nga Ottavia Fusco, pasi e kanë cilësuar tekstin e saj tepër teatral. Sipas mediave italiane Sgarbi ka akuzuar dy drejtuesit artistikë si të paaftë për të bërë një përzgjedhje të rangut të “Sanremos”.

Për realizimin e tekstit “Come Cleopatra”, Sgarbi është frymëzuar nga një pikturë e Guercino-s, ku Kleopatra vret veten për shkak të frikës nga plakja, dhe nuk donte të shihte në trupin e saj shenjat e kohës. Një temë më se aktuale. Për gazetarin kënga nuk është pranuar edhe për faktin sepse drejtuesit artistikë prisnin diçka më të madhe prej tij dhe jo kaq aktuale.