Saranda pa plazhe publike, privati pushton bregdetin

Privati ka pushtuar pothuajse të gjithë sipërfaqet publike në plazhet e Sarandës. Gjysma e plazhit është vënë tanimë në funksion të subjekteve private, aty ku pushues të shumtë në sezonin e verës as që nuk mund të afrohen nëse nuk paguajnë një vlerë të caktuar monetare.
 

Bashkia ka në pronësi rreth 7500 metra katrorë plazh publik në të tre plazhet e qytetit tek Çentrali, para shëtitores “Hasan Tahsini” si dhe tek plazhi i ri.
 

Nga kjo sipërfaqe, Bashkia administron vetëm 4000 metra katrorë, ndërsa pjesa tjetër menaxhohet nga privati. Sipas përfaqësuesit të Drejtorisë së Shërbimeve në Bashkinë e Sarandës Kristofor Mërkuri, nëntë subjekte kanë likujduar detyrimet sezonale në Bashki ndërkohë që vetëm dy prej tyre janë në proces e sipër.
 

Bashkia e Sarandes ka neneshkruar nje kontrate me 11 subjekte private, të cilat depozitojne për llogari të Bashkisë nje cmim teper minimal, prej 50 lekë për shazllon qe dispozojne ne hapesirat perkatese.