Serbia Me pare BE pastaj Kosova
Kosova ka dalë në plan të dytë në projektet e politikës së jashtme të Beogradit, duke u renditur pas anëtarësimit në BE.
Plani i qeverisë serbe për vitin e ri është prezantuar nga vetë presidenti Boris Tadic, i cili ka theksuar se prioritet numër 1 është marrja e statusit të vendit kandidat.
“Qëllimi më i rëndësishëm i politikës së jashtme në vitin 2011 është BE dhe marrja e statusit të vendit kandidat. Ndërsa prioriteti i dytë që rrjedh nga Kushtetuta dhe raportet komplekse është Kosova”, ka pohuar Tadic.
Presidenti ka theksuar se Kosova është cështje e brendshme e Serbisë, por që është ndërkombëtarizuar tej mase në vitet ’90.