Serbo-ruset, ose kurre mos thuaj kurre
Patrick Mur, analist i Radios Evropa e Lire, tha se duhet injoruar Rusia dhe te gjithe duhet te perqendrohen ne ceshtjet qe do ta benin Kosoven te zhvilluar te qendroje ne kembet e veta. "Kjo, vlereson Mur, behet duke punuar me institucionet ku Uashingtoni e Brukseli kane fjalen kryesore".
Serbia ende thote se kurre nuk do ta njohe pavaresine e Kosoves. Ata kane mbeshtetje nga Rusia. Moska pohon se Kosova kurre nuk do te behet anetare e Kombeve te Bashkuara...
Duhet perkujtuar thenien e njohur "kurre mos thuaj kurre". Serbia dhe politikanet atje do te bejne zhurme se paku deri ne permbyllje te zgjedhjeve te ardhshme, qe me gjase do te mbahen sivjet me vone. Kosoves nuk i duhen Kombet e Bashkuara dhe mbase nuk u duhen as te tjereve. Ajo qe Kosoves i duhet eshte mbeshtetja e Shteteve te Bashkuara te Amerikes dhe e Bashkimit Evropian ne institucionet ekonomike nderkombetare. Prej tyre rrjedhin parate dhe aty fjalen kryesore e kane Uashingtoni dhe Brukseli.
Perfaqesuesi i Rusise ne NATO, Rogozin, dite me pare, tha se Rusia "do te perdore forcen" ne rastin e Kosoves, por me vone ka shtuar se "kurre nuk do te kete konfrontim me NATO-n". C'do te thote kjo ambivalence?
Ky eshte nje rrefim interesant qe meriton vemendje. Dimitrij Rogozin, qe eshte ambasador i Rusise ne NATO, ka bere dy prononcime te ndryshme, njerin me 21 dhe tjetrin me 24 shkurt. Aludimi per perdorimin e forces ka qene shume transparent ne te parin, por ne prononcimin e dyte u terhoq nga ky deklarim. Perse? Fillimisht duhet thene se Rogozin eshte nacionalist, madje edhe sipas standardeve ruse dhe i njohur per deklarime pa menduar se ke do te ofendoje. Putin e largoi nga skena politike duke e derguar nga Moska ne Bruksel, qe atje te thote cfare te doje. Pra, kur ai flet, veshtire eshte te dihet nese eshte duke folur ne emer te Kremlinit apo ne emer te vetin. Duket se ne prononcimin e pare kishte thene gjera koke me vete, por pastaj Kremlini duket t'i kete thene qe nuk ka guxuar te thote gjera te tilla dhe rrjedhimisht ai u terhoq.
Cili eshte synimi perfundimtar i politikes se Rusise ne Ballkan dhe Kosove?
Kemi te bejme me nje pjese te nje performance teatrore nderkombetare, qe synim te fundit ka sigurimin e respektit per Mosken duke krijuar frike. Njerezit e tashem ne Kremlin kane ardhur ne konkludim se ish-Bashkimi Sovjetik ka qene fuqi e madhe, sepse njerezit jane frikesuar nga ai. Ish-Bashkimi Sovjetik nuk kishte shtrire ndikimin me qasje pozitive, por duke frikesuar te tjeret. Tash kemi perseritje te gabimeve marroqe te ish-Bashkimit Sovjetik. Kancelarja e Gjermanise, Angela Merkel, kerkoi nje hulumtim dhe analize te veprimeve te Rusise. Konkludimi ishte se Rusia ben obstruksion, sepse deshiron te jete obstruksioniste. Kjo eshte pikerisht ajo qe e thashe, pra ata mendojne se mund te rikthejne forcen, duke i frikesuar te tjeret. Nje personalitet qe i njeh ata shume mire eshte Presidenti i Estonise, Tomas Hendrik Ilves dhe ai vitin e kaluar sugjeroi se me e mira eshte qe Rusia te injorohet. Nese u kushtoni shume rendesi atyre, gjerat i beni edhe me keq. Rrjedhimisht, besoj se duhet injoruar Rusine dhe perqendruar ne ceshtjet qe do ta benin Kosoven qe te qendroje ne kembet e veta dhe te zhvilluar. Kjo behet duke punuar me institucionet, ku Uashingtoni dhe Brukseli kane fjalen kryesore.