Vritet ne prite 20-vjecari nga Fieri

Nje tjeter vrasje me viktime shqiptar eshte shenuar ne kryeqytetin grek, Athine. Serish autoret kane qene me motocikleta dhe skema e krimit thuajse ka qene e njejte. Viktima i djeshem eshte 20-vjecari Andi Zotaj, lindur e banues ne Fier, emigrant prej disa kohesh ne Greqi. Krimi ndodhi mbreme ne oren 20:00 ne nje nga rruget kryesore te Athines. Policia si edhe ne rastin e pardjeshem te 45-vjecarit Lefter Tralo qe u vra ne kiosken ku punonte, tha se nuk i ka gjetur ende vrasesit me motore.
Ngjarja ka ndodhur dje ne oret e mbremjes, 20:00, kur i riu Andi Zotaj, nga Fieri, udhetonte me motociklete se bashku me nje shokun e tij ne kryeqytetin grek. Gjithcka ka ndodhur ne rrugen "Aharnon" nr. 202. Sipas policise, dy persona, te cilet udhetonin gjithashtu me motociklete, i jane afruar emigrantit shqiptar dhe me pas e kane qelluar me arme zjarri, duke e lene te vdekur ne vend. Pasi kane kryer krimin, vrasesit jane larguar nga vendngjarja, nderkohe qe policia ka nisur menjehere hetimet. Deri me tani nuk dihet shkaku i vrasjes, por dyshimet rutine te policise, bien mbi nje mundesi larje hesapesh personale mes viktimes dhe vrasesve, per te cilet mendohet se jane gjithashtu shqiptare.
Policia e Athines eshte tejet e shqetesuar nga nje seri vrasjesh qe kane tronditur zonen. Sipas deshmive dhe provave ne vendet e krimeve, ne ekzekutimin ditet e fundit te tre shqiptareve, gjithmone autoret kane qene dy persona ne moshe te re, mbi motocikleta. Policia ka pohuar dhe faktin se pas krimeve nuk gjenden gezhoja te plumbave vdekjeprures. Dy dite me pare, policia tha se identifikoi dy te rinj si autore te vrasjes se nje shqiptari 45-vjecar ne Kifizia, para dy javesh, por nuk dha identitetet e tyre dhe as konfirmoi ndalime. ed.ku