Shefer vizitë zyrtare në Maqedoni

Shkup -Sekretari i përgjithshëm i NATO-s, Jap de Hop Shefer do të mbërrijë nesër në Maqedoni për një vizitë zyrtare, ku do të zhvillojë takime me krerët më të lartë shtetëror dhe përfaqësuesit e partive politike. Në axhendën e bisedimeve, do të jetë procesi i integrimeve evroatlantike i Maqedonisë, çështja e emrit si dhe reformat e brendshme.

Këshilli EvroAtlantik i Maqedonisë do t`i ndajë mirënjohje sekretarit Shefer për mbështetjen e dhënë disavjeçare dhe partneritetin e suksesshëm. Kjo është vizita e fundit e Shefer, pasi mandati i tij ka përfunduar.