Shembet ndërtesa në Pakistan, 13 të vdekur

Shembja e një ndërtesë 5 katëshe në qytetin Karaçi në Pakistan ka shkaktuar vdekjen e të paktën 13 personave dhe plagosjen e të paktën 6 të tjerëve. Trupat e viktimave dhe të plagosurit janë dërguar në spitalin shtetërore të vendit. Forcat e ndihmës së shpejtë vazhdojnë kërkimet pasi besohet se shumë njerëz mund të kenë mbetur nën rrënoja. Ngjarja ndodhi në orët e vona të ditës së djeshme. Autoritetet thanë se ende nuk dihen shkaqet e shëmbjes së ndërtesës, megjithatë, sipas dëshmitarëve në pjesën e pasme të pallatit po kryheshin punime.