Shkoder, aksidentohet nje familje, nje i vdekur

Nje aksident i rende me pasoje nje te vdekur dhe dy te plagosur qe te gjithe pjestare te se njejtes familje ka ndodhur mbremjen e djeshme ne aksin rrugor Shkoder -Koplik ne afersi te fshatit Shtoj.

Ne kete aksident jane perfshire nje motorr ne te cilin udhetonin burre e grua dhe djali i tyre 10-vjecar, si dhe nje fuoristrade Range Rover me targa te huaja.

Per pasoje drejtuesi i motocikletes Kole Predhaj 62 vjec nga fshati Berdice ka gjetur vdekjen ne vend ndersa gruaja e tij dhe djali 10-vjecar kane marre plage te renda.

Mesohet se femija eshte ne gjendje kritike per jeten. Drejtuesi i foristrades 25-vjecari nga Lezha Eduard Fierza pasi eshte munduar t'i jape ndihmen e pare te  plagosurve eshte shoqeruar per ne komisariatin e policise ne Shkoder.

Nga kqyrja e vendit te ngjarjes sipas grupit hetimor nje nga shkaqet kryesore qe ka shkaktuar aksidentin eshte mungesa e ndricimi rrugor.

Policia pohon se motorri eshte goditur nga pas por ende nuk eshte percaktuar me detaje nese ka qene motori apo fuoristrada qe ka provokuar aksidentin.