Shkodër, gjendet në Vermosh një kufomë e dekompozuar

Pas asaj të gjetur vetëm pak ditë më parë në mat, një tjetër kufomë por tashmë e dekompozuar është gjetur mbrëmjen e djeshme në Vermosh të Shkodrës. Lajmin e bënë te ditur burime policore lokale, sipas të cilave për shkak të gjendjes në të cilën ishte, dyshohet që personi në fjalë të ketë kohe që ka vdekur. Sipas burimeve, kufoma ka një shenjë në kokë që dyshohet të jetë shkaktuar nga një plumb pistolete. Burimet e policisë saktësojnë më tej se trupi i pajetë u gjet rastësisht nga një bari i zonës dhe se do të dërgohet në Tiranë për tiu nënshtruar autopsisë.