Shkodër, pranga 55 vjeçarit, aksidenton këmbësorin

Në orët e vona të mbrëmjes, është bërë arrestimi në flagrancë i shtetasit Gjergj Ulaj, banues në fshatin Mali i Jushit, Komuna Bushat, Shkodër ndersa ka aksidentuar nje kembesor.
 

Ndalimi i këtij shtetasi u bë pasi, në aksin rrugor Bushat-Rranxa, duke drejtuar mjetin e tij tip Audi, me targa MZ-JN-352, ka përplasur shtetasin  me iniciale H. Q, 48 vjeç banues në fshatin Mali Jushit, i cili ka qenë duke levizur si këmbësor. I dëmtuari aktualisht ndodhet në Spitalin Rajonal Shkoder, jashtë rrezikut për jetën.
 

Nga ana e shërbimeve të policisë rrugore, u kryen veprimet e para hetimore dhe materialet në ngarkim të të arrestuarit, iu kaluan Prokurorisë së Rrethit Gjyqësor Shkodër, për veprën penale të "Shkelje të rregullave të qarkullimit rrugor".