Shkodër, pranga autorit të djegies së godinës së komunës Shalë

Policia e Shkodrës ka bërë të mundur arrestimin e autorit të djegies së godinës së komunës Shalë. Burime nga policia bëjnë me dije se është arrestuar 45-vjeçari Frrok Toma, me detyrë roje i godinës së Komunës "Shalë" të rrethit Shkodër.
 

Arrestimi i tij u bë, pasi nga veprimet e hetimore të kryera rezultoi se 45-vjeçari është autori i djegies së godinës së Komunës "Shalë" të rrethit Shkodër, ngjarje kjo e ndodhur ditën e djeshme.
 

Sipas policisë në lidhje me këtë ngjarje, u kryen veprimet e duhura hetimore dhe materialet proceduriale, në ngarkim të shtetasit Frrok Toma, iu kaluan për ndjekje të mëtejshme Prokurorisë së Rrethit Gjyqësor Shkodër, për veprën penale "Shkatërrim të pronës me zjarr".