Shkodra, PD 7 deputetë në Kuvend
SHKODER/ RIDVAN DIBRA
Qarku i Shkodrës nxjerr 7 deputetë të PD-së dhe 4 të PS-së nga rezultatet e regjistruara deri në mesnatën e mbrëmshme. Koalicioni “Aleanca e Ndryshimit” ka mundur të sigurojë shumicën e votave të 247 qendrave nga 413 që janë gjithsej, me 15% më tepër vota. Megjithëse rezultati do të dalë sot, nuk ka gjasa që të përmbyset favori i PD-së ndaj socialistëve. Largësia, terreni malor dhe mosmarrëveshjet mes KZAZ-ve dhe subjekteve politike, për vëzhguesit në procesin e numërimit të votave kanë sjellë vonesa në fillimin e procesit për Qarkun e Shkodrës. Gjatë paradites së djeshme, kandidatët për deputetë të Partisë Socialiste në qarkun e Shkodrës pezulluan për rreth 30 minuta procesin e numërimit të votave, për të verifikuar listat e votuesve dhe numrat e mjeteve të identifikimit. Sipas tyre ka informacione për persona që kanë votuar në disa qendra votimi në këtë zonë. Por KZAZ 40, në përputhje me ligjin, ka deklaruar se ky verifikim është pjesë e plotësimit të dokumentacionit të çdo qendre votimi, ku PS ka pasur anëtarët e saj. Në këtë zonë zgjedhore ka pasur dhe një ankimim pranë kandidatëve të majtë nga ana e dy qytetarëve, që pretendonin se kishin votuar në qendrën nr. 246 për subjektin politik PDS, por pas numërimit të votave të kësaj qendre votimi, sipas tyre ky subjekt ka dalë me zero vota. Edhe ky argument është hedhur poshtë nga KZAZ, pasi nuk mund të vërtetohet dot nëse është e vërtetë se dy pretenduesit kanë votuar për këtë subjekt. Në qendrën e votimit nr. 253, është vërejtur mungesa e një prej kodeve të kutisë, që nuk përputheshin, por duke qenë se i gjithë dokumentacioni tjetër ishte në rregull dhe palët nuk kishin pretendime, KZAZ lejoi numërimin e saj. Në zonën zgjedhore nr. 42, në Shkodër, u pezullua numërimi i votave për kutinë e qendrës së votimit në Pult, pasi dyshohej për parregullsi në 150 fletë votimi që i përkisnin PSD. Pas verifikimeve rezultoi se gjithçka ishte e rregullt dhe kutia është numëruar.
qarku SHKODER
Alenca e Ndryshimit
PD 33678 vota
PR 1868 vota
PAA 1488 vota PDI 58 vota
PAD 190 vota
BLD 84 vota
PLL 169 vota
AMIE 15 vota
PADS 204 vota
PBK 473 vota
Bashkimi per Ndryshim
PS 222523 vota
PSD 1409 vota
PDS 1233vota
PBDNJ 786 vota G99 313 vota
Aleanca Soc. për Integrim
LSI 1903 vota
PSV 299 vota
282 qendra nga 413 gjithsej