Shkolla rrezikon shembjen, mesimi ne stalle

BERAT- Reshjet e shiut te diteve te fundit, kane nxjerre jashte cdo funksioni shkollen e fshatit Hinge ne komunen Poshnje te Beratit, nderkohe qe mesimi zhvillohet ne nje objekt te marre me qira, dikur stalle e nje fermeri. Godina e shkolles 9-vjecare dhe te mesme ka dale jashte perdorimit dhe eshte kthyer ne rrezik per jetet e 600 nxenesve. Inspektoret e Drejtorise Arsimore dhe Shendetit Publik, kane vleresuar se gjendja eshte e mjerueshme jo vetem ne godinen arsimore, por edhe ne ate aktuale ku po kryhet procesi mesimor, nje ish-stalle. Gjate inspektimit te bere ka rezultuar se pervecse shkolla nuk ploteson kushtet hijeno-sanitare, tavani i saj rrezikon shembjen. Probleme ka pasur me muret gjithe lageshti, mungesen e xhamave, dyerve dhe dritareve. Ne keto kushte inspektoret kane ndaluar kategorikisht vijimin e zhvillimit te mesimit ne ambiente, ku jane regjistruar 600 nxenes te arsimit parashkollor, 9-vjecar dhe te mesem. Ne keto kushte shkolla eshte mbyllur qe prej dites se hene, ndersa eshte vendosur marrja e nje objekti me qira per zhvillimin e mesimit. Por objekti i vetem qe eshte gjetur ne fshat ka qene nje ish-stalle fermeri. Stalla qe dikur perdorej nga fermeri per rritjen e lopeve, eshte shnderruar ne nje shkolle per zhvillimin e mesimit. Objekti eshte ndare ne klasa te improvizuara me perde ku zhvillojne mesimin 215 nxenesit e arsimit 9-vjecar dhe 50 femijet e arsimit parashkollor. Drejtori i shkolles, Gramoz Bybashi, shprehet se zhvillimi i mesimit ne ambientet e stalles eshte zgjidhja e vetme per te mos nderprere procesin. Kjo eshte pare si zgjidhja e vetme ne kushtet ku ne fshat nuk ka godina te tjera te lira, nderkohe qe alarmi per gjendjen e keqe ku ndodhej godina e shkolles ishte dhene qe prej kater vitesh. Drejtuesit e shkolles kishin ngritur zerin prane Drejtorise Arsimore per gjendjen jo te mire te ambienteve, por Ministria e Arsimit ka vonuar ne nderhyrjen me investim ne fshatin Hinge.

E. Hazizolli