Shkumbini: "Bomba" që i plas në duar

Edhe pse deklaruan me shumë bujë "divorcin" nga Superliga, Shkumbini i është rikthyer përsëri luftës për qëndrimin në këtë kategori, madje kjo "dalje nga fjala" e tyre është shpërblyer nga Abazaj që shënoi golin e fitores në Lushnje. Një relacion i gabuar apo me dashje nga ana gjyqtarëve te ndeshjes Shkumbini “ Teuta detyroi donatorët e klubit të kalojnë në ekstrem. Me mendimin se do të kene me vehte edhe përkrahjen e tifozerisë peqinase për të cilët i vetmi argëtim ka mbetur fundjava(futbolli), donatorët ia çorrën maskën FSHF, duke deklaruar se vendimi ishte i qëllishëm dhe duke shkuar edhe më tej me akuzat si federatë mafjoze. Sipas tyre qënia e kreut të federatës shqiptare shijakas (afër Durrësit) dhe vota kundër tij në asamblenë e përgjithshme ku Duka u rizgjodh edhe për 4 vjet president janë shkaqe kryesore për "paragjykimin" dhe lufta për largimin e skuadrës së Shkumbinit nga 10 më të mirat e futbollit shqiptar. Por duke dashur të bëjnë "trimin", të dënojnë tifozerinë me pa të drejtë donatorët peqinas kanë harruar të lexojnë rregulloren Fshf. "Bomba" e hedhur në FSHF në mesjvavë duket se i ka plasur në duar donatorëve të klubit peqinas. Rroga e lojtarëve jashtë kryeqytetit është mjaft e vogël dhe dihet se shumë prej tyre nuk janë të kënaqur me mënyrën e shlyerjes së saj. Pra rreth 5.5 milion lekë (duke mos përfshirë edhe pagat e lojtarëve, stafit të ekipit,etj) donatorët do të çonin vetë me duart e tyre në kasën e "armiqve" të FSHF. Një kosto shumë e madhe për një klub që kërkon mbijetesën në Superligë. Nëse do ti kishte Shkumbini këto para atëherë ajo do të ishte kandidati kryesore për kampionatin dhe kupën.