Shpërthimi në gurore, në pranga dy shtetas

Në prangat e policisë ka rënë shtetasi Ferdinad Ujka, 42-vjeç, banues në Lezhë, pronar i firmës “Vulkano Construction” sh.p.k. si dhe  Tonin Çupi, 49-vjeç, banues në Tale, rrethi Lezhë, punëtor në gurore.

Arrestimi i tyre u bë për veprën penale të “Shkeljes së rregullave të mbrojtjes në punë”. Materialet i kaluan Prokurorisë së Rrethit Gjyqësor Lezhë. Një ditë më parë, një person humbi jetën dhe një tjetër mbeti i plagosur rëndë pas shpërthimit në këtë gurore.