Shpallen fituesit perfundimtare, si te regjistrohen Luljeta Ndoka
Rreth 21 mije maturante, te cilet jane shpallur fitues ne fazen paraprake, jane shpallur te tille edhe dje, por ama me dege te ndryshuara. Ministria e Arsimit dhe e Shkences, beri me dije se maturanteve u eshte ndryshuar dega vetem nese e kane kerkuar vete nje gje te tille. "Ata qe kane deklaruar qe nuk deshirojne ta vazhdojne gare, duke kerkuar qe te ngelen ne preferencen qe kane kerkuar ne fazen paraprake, jane shpallur fitues pikerisht ne degen e pare, ashtu sic kane kerkuar. Nderkaq, ata maturante qe nuk e kane plotesuar nje deklarate te tille, jane shpallur fitues ne preferenca me te larta, ne saje te rreth 5500 kuotave qe mbeten te parealizuara ne fazen e pare", shpjegojne burime nga Ministria e Arsimit. Me rastin e shpalljes se listes perfundimtare te fituesve ne Institucionet Publike te Arsimit te Larte per vitin akademik 2012-2013, MASH u ka bere thirrje te gjithe fituesve qe te mos ngaterrohen, sepse tashme ata tashme jane te regjistruar ne programet ku jane shpallur fitues sipas kesaj liste dhe nuk kane nevoje te regjistrohen perseri. Por, brenda javes se pare te vijimit te studimeve, keta fitues, duhet te dorezojne prane sekretarive mesimore dy fotografi, fotokopjen e dokumentit te identifikimit (kartes se identitetit ose pasaportes biometrike) si dhe mandat-pagesen. Nderkaq, mesohet se listat e fituesve jane te shpallura ne faqet zyrtare te Ministrise se Arsimit dhe Shkences www.mash.gov.al dhe Agjencise Kombetare te Provimeve www.akp.gov.al. Sipas vendimit te miratuar nga qeveria dhe MASH, kuotat qe mbeten te parealizuara rishperndahen nga MASH ne baze te propozimeve te universiteteve, vetem per ato programe studimi ku nuk cenohet parimi i "Merites". "Shperndarja e kuotave realizohet nepermjet plotesimit te Formularit te ri te aplikimit A3 (raundi i dyte) sipas preferencave te kandidateve. Kane te drejte te plotesojne Formularin A3 te gjithe kandidatet te cilat kane aplikuar me Formularin A2 dhe nuk figurojne te regjistruar ne asnje program studimi edhe pas mbylljes se fazes perfundimtare te regjistrimeve", - thuhet ne vendim. Gjithashtu, drejtues te arsimit sqarojne fituesit se gjate regjistrimit dhe hapesirave boshe mund te behen spostimet perkatese drejt preferencave me te larta, por ne asnje menyre sipas MASH, fituesit nuk cregjistrohen automatikisht atje ku kane fituar per here te pare. Kjo do te ndodhe vetem nese ata duan te vazhdojne garen. Kete vit, MASH ka vendosur qe vendet bosh te plotesohen deri ne daten 8 tetor kur nis viti i ri akademik, ne menyre qe studentet te mos e fillojne me vonesa procesin mesimor. Gjithsesi, mbetet per t'u pare se cilat do te jene afatet e aplikimit me Formularin A3. Nje vit me pare, ne universitetet publike rezultuan 3419 kuota bosh nga faza e pare, ku 1354 ishin kuota te paperzgjedhura nga te rinjte ne Formularin A2.
Dokumentet per regjistrim:
Dy fotografi
Fotokopja e dokumentit te identifikimit (kartes se identitetit ose pasaportes biometrike)
Mandat-pagesa prej 1600 lekesh
21 mije eshte numri i studenteve fitues te fazes se dyte
5500 vende kane mbetur bosh
Me 15 tetor pritet te nise raundi i dyte i regjistrimeve