Shperblimet e mjekeve, sa perfitojne

Sonila Isaku
Mjeket e familjes do te perfitojne masen me te madhe te shperblimit per festat e fundvitit. Kjo kategori e bluzave te bardha do te marre 30 mije leke nga Instituti i Sigurimeve dhe Kujdesi Shendetesor. Pervec kesaj kategorie edhe infermieret dhe sanitaret do te marrin kartolinen e festave, por me mase me te vogel, pra vetem 10 mije leke. Duke pasur nje fond te vecante dhe duke e perdorur ate maksimalisht ISKSH ka vendosur te shpenzoje per keto shperblime rreth 131 milione leke. Nga ky shperblim perfitojne rreth 9300 punonjes te qendrave shendetesore, nga te cilet 1900 mjeke dhe 7400 personel tjeter, infermiere, sanitare etj. “Theksojme se shperblimet e vitit 2006 dhe 2007, jane me te medhate qe mjeket e familjes kane marre gjate gjithe historise se ekzistences se ISKSH-se”, eshte shprehur zedhenesja per shtyp e ISKSH-se, Etiola Kola.
Por, pervec ketij shperblimi per festat e fundvitit, mjeket dhe personeli shendetesor do te perfitojne edhe shperblimet e tjera te percaktuara nga matja e indikatoreve dhe numrit te vizitave qe kane kryer. “Mjeket do te perfitojne edhe te ardhurat qe keto qendra kane perfituar nga shperndarja e 10 perqindeshit mbi pagen per performancen gjate gjithe vitit. Kjo mase page eshte perdorur dhe vazhdon te perdoret nga qendrat per rritje rroge dhe shperblime”, pohon zedhenesja Kola. Nderkohe qe sqaron se kjo ka te beje edhe me rritjen e pagave qe u eshte bere mjekeve gjate ketij viti.
Pak dite me pare, mjeket e poliklinikave, me nje leter te derguar ministrit te Shendetesise dhe Kryeministrit, kane kerkuar rritje te pages 30 per qind. Kjo sepse sipas tyre, rritja e pagave qe eshte bere gjate ketyre dy viteve ka qene vetem 2 per qind. Por kane qene vete drejtuesit e ISKSH-se qe kane hedhur poshte keto akuza. “Per gjashtemujorin e pare te vitit kane paguar shperblime 141 qendra shendetesore nga 418 qendra gjithsej me efekt financiar 69 milione leke. Kjo ka te beje me shtesen per performance dhe se rritja eshte zbatuar ne masen 45 per qind”, pohojne drejtuesit e ISKSH-se. Sipas tyre, rritja e pagave gjate vitit do te jene vetem per ata mjeke dhe qendra shendetesore qe kryejne edhe numrin me te madh te vizitave.
30 mije leke eshte shperblimi qe do te marrin mjeket e familjes
1900 mjeke do te perfitojne nga ky shperblim
10 mije leke eshte shperblimi qe do te marrin infermieret e poliklinikave
10 mije leke eshte shperblimi qe do te marrin sanitaret e poliklinikave
7400 punonjes te qendrave shendetesore do te perfitojne nga ky shperblim
10 mije leke eshte shperblimi qe do te marrin punonjesit e spitaleve