Shpërthim në mes të festës në Kosovë, 6 të plagosur

Novobërdë, (Gjilan) 29 gusht - Një shpërthim me pasoja fatale ka ndodhur të shtunën mbrëma në fshatin Boston të Novobërdës. Si pasojë, janë plagosur 6 persona. Zëdhënësi i policisë për rajonin e Gjilanit, Ismet Hashani ka thënë për mediat kosovare se shpërthimi ka ndodhur gjatë një feste që serbët kanë zhvilluar në fshatin e tyre.

Sipas tij një serb, tashmë i identifikuar, ka hedhur një mjet shpërthyer në drejtim të njerëzve, por që nuk dihet cilat kanë qenë motivet.

Hetimet për rastin po vazhdojnë. Të plagosurit janë shtruar në Spitalin e Graçanicës, kurse njëri është në gjendje të rëndë.

Sipas policisë, serbi 25 vjeçar, Sreten Teriç, dyshohet se ka hedhur një mjet shpërthyes dhe ai po ndiqet nga policia.

NOA