Shpëtimi i jetëve njerëzore, suksesi i aksionit të madh humanitar të qeverisë

Edhe pse moti i keq dhe shirat bëjnë që uji në zonat e përmbytura të shtohet, situata në Qarkun e Shkodrës është nën kontroll nga Shtabi i Emergjencës Civile. Ministri i Brendshëm Lulzim Basha ka deklaruar dje se komuniteti ndërministror zhvillon çdo ditë mbledhje në orët e para të mëngjesit për planin e ditës, e më pas anëtarët e tij shpërndahen në terren. Ministri Basha thotë se prioritet mbetet evakuimi i banorëve dhe transportimi i ushqimeveSi është gjendja aktuale në komunat e përmbytura të Shkodrës?Gjatë gjithë ditës së sotme (djeshme) sikundër edhe ditët e kaluara, Komiteti Ndërministror zhvilloi mbledhje e mëngjesit dhe pasi ka rakorduar detyrat e lëna një natë më parë, për tu marrë në situatën, u shpërnda në terren. Konkretisht sot (dje) kemi gjithë ditën në komunën e Dajç e cila është dhe komuna e goditur, ndërsa Ministri i Mbrojtjes ka qenë në komunën e Velipojës, Ministri i Transportit në komunën e Bushatit dhe ministrat e tjerë kanë qenë në komunat e Anës Malit, Gurit Zi, dhe të gjitha komunat e prekura këtu në Shkodër. Në komunën e Dajçit dua të raportoj se prioriteti numër një është evakuimi dhe transporti i ndihmave. Transporti është kryer nëpërmjet dy rrugës atë të rrugës së vjetër të Dajçit që është e kalueshme vetëm për kamionët, por edhe nëpër mjet aksit Murriqan-Dajç. Ndërkohë që për një segment të quajtur Bishti i Qarrit, furnizimi ushqimor është bërë nga ajri. Në përgjithësi gjendja mbetet nën kontroll. Ka një gjendje shëndetësore e cila është inspektuar nga ekipet e mjekësisë në të gjitha komunat dhe që ky inspektim do të vazhdojë. Po kështu veterinaria ka bërë inspektime ndër gjënë e gjallë. Prioritet do të ketë edhe ushqimi i gjë se gjallë në pikat e evakuimit. Kjo do të bëhet vetëm në pikat e evakuimit me koncentrat ushqimor dhe medikamente të tjera. Dua të bëj një thirrje të gjithë banorëve të Dajçit, Bushatit, Gurit të Zi që të vazhdojnë evakuimin. është e vetmja rrugë që ndihmon forcat e ushtrisë dhe policisë për të ndihmuar. Ditën e sotme (djeshme) kemi arritur që falë evakuimit dhe shpërndarja e ushqimeve nëpër vendet e evakuimit, kanë qenë pikat më të lehta për tu kapur nga forcat e policisë dhe ushtrisë që po bëjnë depozitimin dhe shpërndarjen. Nisur nga thirrja juaj për evakuimin e këtyre banorëve, procesi i largimit të banorëve nga vendet e përmbytura dhe ai i shpërndarjes së ndihmave ka ecur mirë apo ka probleme? Për procesi i evakuimit ritmet nuk janë ato që kërkojmë ne, por procesi i evakuimit vazhdon. Kam përdorur çdo rast për të bërë thirrje të vazhdojnë evakuimin, ndonëse u bënë disa ditë që për sa i përket shpejtësisë s evakuimit, nuk është ajo që dëshirojmë ne. E përsëris, prioriteti numër një është evakuimi dhe shpëtimi i njerëzve objektiv që deri tani e konsideroj 100 qind të suksesshëm, por parakusht për të mbajtur këtë objektiv në parametrat e suksesit është me çdo kusht evakuimi. Cilat janë çështjet e tjera që kërkojnë zgjedhje të menjëhershme? Ne po marrim masat të ruajtjen e infrastrukturave primare dhe sekondare, argjinaturave, nën stacionet elektrike, pompave të ujit, ku jo gjithmonë kemi qenë në gjendje ti përgjigjemi këtyre, sepse situata në terren ndryshon. Sasi e ujit është e tillë që shpesh herë është ë madhe në disa pjesë të infrastrukturës dukë nxirë jashtë përdorimit stacione elektrike apo pompa, por megjithatë deri tani ky objektiv ka siguruar që mbi 95 për qind e zonës ka pasur energji elektrike, ndërkohë që 100 qind e zonë është mbuluar me ujë të pijshëm.Përse ngurojnë banorët të evakuohen?Ende edhe sot kur flas me banorët një pjesë prej tyre e konsiderojnë përmbytjen, si  një problematikë jo të panjohur për ato. Megjithatë situata nuk duhet të nënçmohet. Unë i besoj përvojës së banorëve dhe i çmoj për përpjekje që kanë bërë duke lëvizur familje e tyre dhe veçanërisht ata që kanë strehuar familjet në pikat më të larta të zonës. Por kjo është një situatë tërësisht e pa parashikuar. Ndaj për të lehtësuar punën tonë për tu ardhur në ndihmë dhe për të kryer shërbimet elementare ata në këtë moment duhet ti binden autoriteteve tona.  ...