Shqipëri, asnjë rast i konfirmuar me grip derri
Në Shqipëri nuk është konfirmuar asnjë rast i prekjes nga gripi i derrit, influenca AH1N1. Instituti i Shëndetit Publik po bën kontrollin e rasteve me grip, qoftë dhe rasteve të lehta të atij të zakonshëm. Udhëzimet e fundit të Organizatës Botërore të Shëndetësisë kërkojnë të rritet vigjilenca lidhur me rastet e dyshuara me grip në përgjithësi, si dhe për gripin A (H1N1).
"Pandemia është e paevitueshme, në kuptimin që gjithë popullsia e botës është e ekspozuar ndaj virusit". Me këtë fjali, përgjegjësi i departamentit të shëndetësisë në Organizatën Botërore të Shëndetësisë, Roberto Bertollini, ka lënë të kuptohet se çdo vend duhet të marrë masa të veçanta për të parandaluar përhapjen e virusit AH1N1. "Prodhimi i vaksinës po ecën me ritme të shpejta, por para se të dalë në treg duhet të kryejmë disa eksperimente gjatë javëve të ardhshme", shprehet zyrtari i OBSH-së. Në vijim ai ka shtuar se gjatë rrugëtimit nëpër botë virusi nuk ka pësuar mutacione dhe ky është një lajm i mirë. "Bëhet fjalë për një virus që e ka forcën goditëse të dobët. Vetëm në disa pacientë të veçantë mund të marrë forma më të rënda dhe këtë nuk arrijmë ta kuptojmë pse ndodh", thekson Bertollini.
"Pandemia është e paevitueshme, në kuptimin që gjithë popullsia e botës është e ekspozuar ndaj virusit". Me këtë fjali, përgjegjësi i departamentit të shëndetësisë në Organizatën Botërore të Shëndetësisë, Roberto Bertollini, ka lënë të kuptohet se çdo vend duhet të marrë masa të veçanta për të parandaluar përhapjen e virusit AH1N1. "Prodhimi i vaksinës po ecën me ritme të shpejta, por para se të dalë në treg duhet të kryejmë disa eksperimente gjatë javëve të ardhshme", shprehet zyrtari i OBSH-së. Në vijim ai ka shtuar se gjatë rrugëtimit nëpër botë virusi nuk ka pësuar mutacione dhe ky është një lajm i mirë. "Bëhet fjalë për një virus që e ka forcën goditëse të dobët. Vetëm në disa pacientë të veçantë mund të marrë forma më të rënda dhe këtë nuk arrijmë ta kuptojmë pse ndodh", thekson Bertollini.