Shqipëria merr statusin e kandidates këtë vit?

Ministri i jashtëm i Shqipërisë, Edmond Haxhinasto, tha se ai beson që vendi i tij edhe më tej mund të marrë statusin e kandidatit për anëtarësim në BE, në këtë vit, edhe pse zyrtarët e BE-së kanë paralajmëruar se ngërçi politik po kërcënon procesin.

“Unë jam optimist se kjo do të ndodhë para fundit të këtij viti”, u ka thënë Haxhinasto gazetarëve pas një takimi mbi përparimin e Shqipërisë kah anëtarësimi.