Shtatori mbyllet me mot te kthjellet dhe temperatura te larta

Temperaturat do të vazhdojnë të jenë të larta dhe moti i kthjellet edhe përgjatë ditëve në vijim. Në vlerat e mëngjesit termometri sipas sinoptikaneve të shërbimit Meteoalb nuk pritet të ketë ndryshime, ndërkohe që në mesditë vlerat maksimale pritet të pësojnë një rritje të lehtë duke shkuar deri në 31 gradë celsius.

Shtatori sipas shërbimit Meteoalb pritet të mbyllet me temperatura dy gradë më të larta se normalja dhe pa reshje shiu, të cilat gjate javëve të shkuara kanë shënuar një shpërndarje të pabarabartë, duke tejkaluar me 30 deri ne 40 milimetra, sipas specialistëve normat në jug dhe juglindje të vendit dhe rënë në sasi minimale në zonat qendrore dhe veriore.