Shtetasit pa pasaporta - shkon në 14 mijë numri i shitjes së kuponëve 200 lekësh

Në sportelet e postës deri janë rimbursuar rreth 47 mijë pensionistë

Rreth 6 mijë është numri i qytetarëve që nuk kanë gjetur emrat në listën e marra nga Ministria e Brendshme dhe kanë plotësuar formularin e vetdeklarimit

TIRANE - Procesi i pajisjes së qytetarëve me kuponë me qëllim aplikimin për letërnjoftimin elektronik po ecën shumë mirë në të gjitha sportelet e Postës Shqiptare në shkallë vendi. Punonjësit e shërbimit postar janë në gatishmëri në shërbimin dy turnesh çdo ditë të javës për të gjithë qytetarët e interesuar por sidomos për kategorinë përfituese (shtetasit pa pasaportë) në zbatim të VKM dhe udhëzimit të ministrisë së Financave. Për vajtjen sa më mirë të procesit janë ngritur grupet e punës në të gjithë filialet e postave si dhe në Drejtorinë e Përgjithshme të cilat po monitorojnë në çdo orë të ditës procesin duke iu dhënë zgjidhje të menjëhershme çdo ankese të mundshme të shtetasve.
Sqarimi i bërë nga ana e drejtuesve të Postës dhe lehtësirat e krijuara fal bashkëpunimit me Ministrinë e Brendshme  ka shtuar dukshëm numrin e qytetarëve të cilët janë paraqitur në zyrat postare për të tërheqin kuponin. 
Deri në orët e pasdites  së djeshme, numri i shtetasve pa pasaportë që kanë tërhequr kuponin bazuar në VKM dhe udhëzimin e financave ka shkuar në 14 mijë ku rreth 6 mijë prej tyre duke mos gjetur emrin në listat e ministrisë së Brendshme kanë plotësuar formularin e vetdeklarimit dhe pjesa tjetër prej 8 mijë, kanë gjetur emrin në listat e sjella në postë nga Ministria e Brendshme. Edhe pse fundjavë dhe ditë pushimi vetëm janë mbi 5 mijë qytetarë përfitues nga VKM të cilët nuk kanë pasaportë, kanë preferuar të tërheqin kuponët 200 lekësh. Bazuar dhe në VKM dhe marrëveshjen mes Postës Shqiptare dhe ISSH, janë rimbursuar rreth 47 mijë pensionistë. 
Edhe njëherë sqarojmë shtetasit pa pasaportë emrat e të cilëve nuk gjenden në listat e zyrave postare të marra nga Ministria e Brendshme se nuk do të iu duhen dy certifikata, njëra për marrjen e kuponin bashkëngjitur me deklarimin që do të bëjnë në zyrat postare dhe tjetra për aplikim. Qytetarët që kanë humbur pasaportën dhe nuk e kanë deklaruar atë në kërkim të marrjes së kuponit veç formularit të vetdeklarimit në sportelet e Postës do t’i bashkëngjisë jo certifikatën me fotografi por fotokopjen e saj pas identifikimit që do të bëhet nga punonjësi i sportelit. Me certifikatën origjinale ata do paraqiten në qendrat e aplikimit pranë minibashkive, bashkive dhe komunave për të aplikuar për marrjen e letërnjoftimin elektronik. Edhe njëherë Posta Shqiptare iu bën thirrje të gjithë shtetasve të paraqiten për të tërhequr kuponin për aplikimin për letërnjoftimin elektroni pasi do të gjejnë hapur sportelet me dy turne madje dhe të shtunë e të diel.