"Shtylla, doreheqja nje akt individual, dosja s'preket"

Doreheqjen e prokurorit Zamir Shtylla, pjese e grupit hetimor te tragjedise se Gerdecit, kryeministri Sali Berisha e cilesoi dje si, akt individual. "Une nuk nderhyj ne qendrimet e askujt. Doreheqjet jane akte individuale, vetjake qe gjykohen nga gjithsecili dhe vendime qe merrem mbi bazen e logjikes se atij qe do te perballet. Natyrisht, ligji shqiptar eshte nje ligj qe nuk ben persekutime. Ligji parashikon se ata qe japin doreheqjen, me dosjen e tyre nuk merret njeri", u shpreh Berisha. Me keto fjale, ai la te kuptohet qarte se ne te tilla raste, me hyrjen ne fuqi te ligjit te dosjeve, zgjidhja me e mire e mundshme, do te ishte doreheqja, e atyre zyrtareve me dosje. Ndaj ai e vleresoi aktin e Shtylles si normal. Madje e gjykoi dhe pozitiv. "Kur te vijne zgjedhjet, ata qe kane probleme nuk do te kandidojne, vetvetishem nuk besoj te kandidojne, keshtu qe procesi kalon ne menyre shume te civilizuar", vijoi sqarimet kreu i qeverise. Per pasoje, me Shtyllen nuk do te merret me njeri, e duke qene se ai dha doreheqjen, nuk do te jete objekt i komisionit te posacem qe do te merret me verifikimin e pastertise se figurave.