Shuhet Viktor Gjika
Tiranë, 4 mars 10:56 NOA – Një ndër emrat më të njohur dhe më të rëndësishëm të kinematografisë shqiptare është ndarë sot nga jeta.
Viktor Gjika ndërroi jetë në moshën 72 vjeçare natën duke gdhirë dita e sotme, njoftuan familjarët.
I ndjeri u lind në qershor të vitit 1937 në qytetin e Korçës.
Pasioni për filmin bëri që ai të përkushtohej shumë në kinematografi dhe arriti të jetë regjisori i disa kryeveprave të filmit shqiptar.
Ndër to, kujtohen shumë “Nëntori i Dytë”, “Gjeneral Gramafoni”, “I teti në bronz”, “Yjet e netëve të gjata”, “Horizonte të hapura”, “Rrugë të bardha”, “Njeriu me top” dhe shumë të tjerë.
I ndjeri vuante prej disa kohësh nga një sëmundje e rëndë, pohuan familjarët e tij.
Homazhet për të ndjerin Viktor Gjika zhvillohen sot në orën 13.00 në Muzeun Historik Kombëtar dhe pasdite zhvillohet ceremonia e varrimit.
e.l/NOA