Shutanovaç: Serbia pro të ardhmes me fqinjët e saj

Beograd - Ministri serb i Mbrojtjes, Dragan Shutanovaç, deklaron se vendi i tij është i interesuar të ndërtojë një të ardhme të përbashkët me fqinjët në familjen e popujve evropianë. Ai theksoi se vetëm duke u mbështetur mbi barazinë mund t’u sillet dobi qytetarëve.

Deklarata e ministrit Shutanovaç erdhi gjatë zhvillimit të ceremonisë së 64 vjetorit të frontit të Sremit. Sipas tij, kjo ditë është apel për paqe dhe mirëkuptim ndërmjet popujve, religjioneve dhe shteteve.