Siguria ne portin e Durresit, investime ne kamera dhe skanera

Durres- Qyteti i Durresit se afermi do te kete portin me te sigurt ne vend. Pas rregullave te nxjerra nga Organizata Boterore e Detarise (IMO), si dhe nga Kodi Nderkombetar i Sigurise ne Anije dhe Fasilitete Portuale, porti po i nenshtrohet restaurimit total. Kodi i cili hyri ne fuqi ne korrik te 2004, vendosi standardet per organizimin e sigurise ne anije. Autoriteti Portual Durres, nisi punen ne venien ne zbatim te disa projekteve prej me shume se nje muaji dhe perfshijne vendosjen e kamerave CCTV, per t'i siguruar Autoritetit Portual Durres, mjetet per mbikeqyrjen e pergjithshme ne zonat portale. Behet fjale per rrethimin perimetrik, hyrjet nga deti, menyrat e kontrollit te fluksit te kembesoreve dhe mjeteve neper portat apo korsite e aksesit, si dhe te regjistroje targat e te gjitha mjeteve. Investimet sipas informacioneve te bera publike nga Autoriteti Portual Durres, behen me qellim qe te siguroje monitorimin e mjeteve, per t'u siguruar qe automjetet nuk transportojne persona te paautorizuar per ne port dhe ne dalje te portit. Portat, barrierat me rrotullim, kane si qellim te kontrollojne levizjet e kembesoreve dhe mjeteve qe hyjne dhe dalin ne port. Ndersa skaneri, ka si qellim te furnizoje dhe instaloje sipas rastit, pajisjet e pasagjereve, bagazheve dhe sendeve personale brenda Terminalit te Ri te Trageteve. Gjithashtu aparaturat monitorojne kembesoret dhe mjetet ne hyrjet e portit per nivelet e Sigurise 1 dhe 2, te lidhura me sistemin e alarmit ne raste emergjence apo sulmi serioz.

E. Arapi

Fondet

Afati kohor per ekzekutimin e kesaj kontrate eshte 6 muaj nga dita e nenshkrimit te saj. Dhe fondi qe do te perdoret per kete investim eshte prej 182,5 milione leke, ose 1.49 milione euro, te vena ne dispozicion nga fondet e Autoritetit Portual Durres.