Sigurimi vullnetar, ja procedurat per pagesat

Kur per nje arsye apo nje tjeter personat nuk jane te siguruar nga skema e sigurimit te detyrueshem, ata kane te drejten e sigurimit vullnetar. Kjo eshte nje mundesi qe ata te perfshihen ne skemen e sigurimeve shoqerore ne menyre qe te perfitojne pension kur te plotesojne kushtet e nevojshme."Vazhdim vullnetar te sigurimit kane te drejte te bejne personat e interesuar te cilet jane larguar nga sigurimi i detyrueshem dhe nepermjet marreveshjes per kete fushe sigurimi, vazhdojne sigurimin per te gjitha deget e sigurimit te detyrueshem. Ata kane te drejte te paguajne kontribute deri ne nivelin maksimal, per perfitime deri ne nivelin maksimal", shprehen ekspertet e deges se kontributeve ne ISSH, duke kujtuar se kjo kontrate vlen nese kontribuesi e ka te pakten nje vit kontrate me keto pagesa. Nderkohe, drejtori i kesaj drejtorie Naim Balluku ka saktesuar se, mbulim vullnetar te periudhave te kaluara kane te drejte te bejne personat e interesuar te cilet paguajne kontribute vullnetare per periudhat e kaluara dhe jo per vitin korent. Kontributi qe do te paguhet, do te jete ne masen e kontributit minimal ne kohen e pageses se tyre. Perfitimet ne kete fushe jane vetem per pension pleqerie, invaliditeti dhe familjar. "Por, sigurim vullnetar kane te drejte te bejne personat e interesuar te cilet nuk jane ekonomikisht aktive dhe sigurohen per vitin korent. Ata kane te drejte te paguajne kontribute deri ne nivelin maksimal, per te perfituar deri ne nivelin maksimal te pensionit te pleqerise, invaliditetit dhe atij familjar", thekson Balluku. Nderkaq, ai ka shpjeguar se, nuk lejohet pagesa e kontributeve per periudhat e kaluara ne fushen e sigurimit te paaftesise se perkohshme ne pune, aksidentet ne pune e semundjet profesionale.