Silva, objektiv i Realit

Mesfushori i Manchester Cityt, David Silva është një prej objektivave kryesor të Real Madridit për transferim gjatë afatit kalimtar të verës.

E përditshmja sportive spanjolle AS ka njoftuar të hënën se trajneri i gjigantit madrilen, Jose Mourinho e sheh Silvan si përforcimin e duhur për edicionin e ri.

Reprezentuesi spanjoll ka shkëlqyer me paraqitjet e tij në City, ku erdhi gjatë verës së vitit të kaluar nga Valencia, dhe i ndihmoi skuadrës të fitojë titullin e kampionit në Premierligë.