Sindikaliste e pensioniste, proteste kunder varferise

Ornela Hila
Sindikalistet dhe pensionistet e Vlores protestojne per rritjen e cmimeve muajt e fundit dhe te varferise. Paraditen e djeshme, qindra qytetare jane mbledhur ne nje tubim paqesor me sloganin “Qytetare te bashkuar kunder varferise”. Grumbullimi eshte bere para stadiumit te qytetit bregdetar “Flamurtari”, ndersa me banderola e parulla te ndryshme protestuesit kerkuan marrjen e masave nga qeveria, uljen e cmimeve dhe rritjen e pensioneve. Kryetari i Konfederates se Sindikatave, Kujtim Myrtaj, kritikoi shtetin per situaten qe e vleresoi alarmante, ndersa beri thirrje qe kjo proteste te vijonte gjate dites se hene.
Ka qene mengjesi i djeshem, kur qindra banore te Vlores, perfshi punonjes, pensioniste dhe gra, jane mbledhur para stadiumit, duke leshuar thirrjet “Duam rritje pensionesh”, “Te ulen cmimet”, “Te ulet cmimi i bukes” etj. Tubimi drejtohej nga kreu i konfederates, Kujtim Myrtaj dhe perfaqesues te pensionisteve e sindikatave. Qytetaret me banderola ne duar i kerkuan qeverise te nderhyje ne keto kushte te varferise qe po kalon vendi, ne uljen e cmimit te bukes, te energjise apo te vajit, qe jane edhe kerkesa te perditshme per kedo.
“Ne po vuajme per buken e gojes”, u tha Myrtaj pjesemarresve ne proteste, qe therrisnin per ulje te cmimeve e rritje te pensioneve. Duke kritikuar mungesen e masave per zbutjen e varferise, kreu i konfederates vuri ne dukje se pjesa me e madhe e familjeve te varfra nuk blejne dot as buken. “Ne duam te hyjme ne NATO apo BE, por me pare duam te mbushim barkun”, ishte dhe nje nga thirrjet e Myrtajt. Sipas tij dhe grupit qe perfaqeson, qeveria nuk ka bere asgje kunder varferise se perditshme, kunder papunesise, qe e cilesoi 2,5 here me e larte se shifrat qe deklarohen publikisht.
“Protesta e radhes, ne Tirane”
Kritikat me te medha per situaten jane bere ne drejtim te rritjes se cmimit te bukes. “Qeveria nuk ka bere asgje per kerkesat minimale te ketij populli”, vune ne dukje drejtuesit e protestes. Sipas kreut te konfederates se sindikatave, tubimi do te vijoje me te tjera grumbullime paqesore me moton “Te gjithe te bashkuar kunder varferise”. Vendtakimi i ardhshem per protesten e radhes do te jete Tirana, diten e hene, ku do te bashkohen te gjithe sindikalistet nga rrethe te ndryshme te vendit.
Largimet nga puna
Protestes se 500 qytetareve ne shesh i jane bashkuar edhe perfaqesues te sindikatave te ndryshme dhe perfaqesues te partive opozitare. Kreret e tubimit denuan dje edhe largimet nga puna te buxhetoreve me motive politike. Kujtim Myrtaj tha se, “keta zyrtare jane hequr pse jane mbeshtetes te njeres apo tjetres parti qe nuk eshte ne pushtet”. Ata kerkuan nderprerjen e largimeve te padrejta nga puna, kompesimin e rritjes se cmimeve dhe rritjen e pensioneve.
Nafta
Perfaqesues te sindikates se naftetareve ishin pjesmarres ne kete proteste te zhvilluar dje. Ata vune ne dukje rritjen e paligjshme te cmimit te karburanteve ne vend qe e cilesuan edhe abusive. “Ndermarrja e shet nje liter nafte me 45 leke per liter, kurse ne treg distributoret e shesin me 140 leke. I bejme thirrje qeverise qe te vleresoje me perparsi kete rritje abusive te cmimeve, pasi jo vetem pensionistet, por te gjithe buxhetoret po marrin buken me liste”, u than e tubim.