Siri, Asad emëron kryeministër të ri

Lajmi bëhet i ditur nga televizioni publik sirian,  i cili tha se presidenti Assad shpalli një dekret duke i kërkuar Riad Hijab të formojë qeverinë e re të Republikës siriane, pas parlamentit të ri të dalë nga zgjedhjet e 7 majit.
     
Hijab do të zëvendësojë ish-kryeministrin Adel Safar, i cili formoi qeverinë e tij në muajin prill të vitit 2011, një muaj pas fillimit të protestave kundër regjimit të Damaskut.

Prej 16 muajsh Siria është përfshirë nga një valë e fortë dhune dhe trazirash ku kryengritësit kërkojnë të rrëzojnë Presidentin Bashar Al-Asad. OKB vlerëson se deri më tani më shumë se 16 000 persona kanë humbur jetën nga trazirat./Start/

                                                                                             2012-06-06 11:25