Skandali me inertet në Kinostudio, reagon Bashkia
• Një ditë pas skandalit të publikuar nga gazeta për plehrat dhe inertet që shkarkohen në Kinostudio, reagon Bashkia e Tiranës.
Sipas zëdhënëses për shtyp të këtij institucioni në zonë janë dërguar disa inspektorë për të verifikuar situatën. Ndërkaq Bashkia pohon se një përgjigje konkrete dhe zyrtare lidhur me problemin e ngritur do të mund ta marrim sot. Bëhet fjalë për territorin e brendshëm të “ish-Kinostudios Shqipëria sot”, në pjesën prapa televizionit “Klan”. Që prej një muaji çdo ditë zbrazen mbi 5 kamionë me inerte e plehra të tjera. I parkuar gjatë ditës pikërisht mbi këto mbeturina qëndron një autobot me dy mbishkrime, që e bëjnë të gjithë kornizën e kësaj panorame tejet qesharake. I pari “Ecoaqua srl”, çka tregon se firma përkatëse lag me ujë për të shmangur pluhurin rrugët e Tiranës, dhe tabela më domethënëse po mbi këtë automjet “Mbani qytetin tuaj të pastër”. Por ndërkaq pirgu me mbetje që ndotin mjedisin dikur të gjelbëruar në këtë zonë sa vjen e rritet. Sipas banorëve as nga Ministria e Mjedisit dhe as nga Bashkia gjatë këtij harku kohor nuk është paraqitur askush për të ushtruar kontrolle. Kjo ndonëse ata janë ankuar disa herë. Sipas ligjit ndalohet hedhja e mbeturinave dhe inerteve pranë zonave të banuara. Por edhe sikur të mos ishte e banuar kjo zonë, sërish ligji përcakton vende të posaçme për depozitimin e mbetjeve të ngurta. Edhe pse në të dyja rastet kemi shkelje e abuzim, asnjë masë nuk është marrë për të ndryshuar situatën.
Sipas zëdhënëses për shtyp të këtij institucioni në zonë janë dërguar disa inspektorë për të verifikuar situatën. Ndërkaq Bashkia pohon se një përgjigje konkrete dhe zyrtare lidhur me problemin e ngritur do të mund ta marrim sot. Bëhet fjalë për territorin e brendshëm të “ish-Kinostudios Shqipëria sot”, në pjesën prapa televizionit “Klan”. Që prej një muaji çdo ditë zbrazen mbi 5 kamionë me inerte e plehra të tjera. I parkuar gjatë ditës pikërisht mbi këto mbeturina qëndron një autobot me dy mbishkrime, që e bëjnë të gjithë kornizën e kësaj panorame tejet qesharake. I pari “Ecoaqua srl”, çka tregon se firma përkatëse lag me ujë për të shmangur pluhurin rrugët e Tiranës, dhe tabela më domethënëse po mbi këtë automjet “Mbani qytetin tuaj të pastër”. Por ndërkaq pirgu me mbetje që ndotin mjedisin dikur të gjelbëruar në këtë zonë sa vjen e rritet. Sipas banorëve as nga Ministria e Mjedisit dhe as nga Bashkia gjatë këtij harku kohor nuk është paraqitur askush për të ushtruar kontrolle. Kjo ndonëse ata janë ankuar disa herë. Sipas ligjit ndalohet hedhja e mbeturinave dhe inerteve pranë zonave të banuara. Por edhe sikur të mos ishte e banuar kjo zonë, sërish ligji përcakton vende të posaçme për depozitimin e mbetjeve të ngurta. Edhe pse në të dyja rastet kemi shkelje e abuzim, asnjë masë nuk është marrë për të ndryshuar situatën.