Skënderbeu s’ndalet më, Ada bllokon hovin e Laçit

 

Skënderbeu fitoi 2-0 me Skraparin në ndeshjen e vlefshme të javës 17-të të Kategorisë së Parë, duke regjistruar fitoren e dytë kundër skrapalinjve, pas asaj të fazës së parë (3-1), duke u konfirmuar si lideri i padiskutueshëm i kësaj kategorie.
Fitorja përkoi edhe me inaugurimin e tapetit të ri të stadiumit “Skënderbeu” pas punimeve që zgjatë thuajse një vit.
Pas fitores së 12-të sezonale skuadra korçare e drejtuar nga Indrit Fortuzi (2 ndeshje, 2 fitore) ndodhet në kuotën e 39 pikëve, gjashtë më shumë se dy ndjekëset e saj më të afërta, Laçi e Kastrioti (të dyja me nga 33 pikë).
Laçi i Edi Martinit barazoi me Adën(0-0) në Velipojë, duke përsëritur të njëjtin rezultat të fazës së parë
Kastrioti i drejtuar nga Ramazan Ndreu fitoi 0-1 në Librazhd me Sopotin, një rezultat i njëjtë edhe me atë të fazës së parë.
Luftëtari fitoi në Kuçovë me Naftëtarin me rezultatin e thellë 1-5 (1-0 fitoi Luftëtari në fazën e parë).
Turbina e Cërrikut fitoi 2-0 me Tërbunin e Pukës (Tërbuni fitoi 1-0 në fazën e parë)
Edhe Besëlidhja fitoi në shtëpi 2-0 me Bilisht Sport. Ndeshja e fazës së parë midis këtyre dy ekipeve kishte përfunduar 0-0.
Të dielën luhen dy takimet përmbyllëse të javës së 17-të të Kategorisë së Parë, Gramozi-Dajti (faza e parë: 1-0 për Dajtin) dhe Pogradeci-Burreli (faza e parë: 3-0 për Burrelin).

Kategoria e Parë

JAVA 17
14 shkurt 2009
Turbina-Tërbuni                  2-0
Golat: Sadiku 40’, Kateshi 73’
Sopoti-Kastrioti                  0-1 
Golat: Kalari 60’
Skënderbeu-Skrapari                 2-0 
Golat: Ballço 15’, Toçuku 47’
Besëlidhja-Bilisht S.                2-0
Golat: Toma 73’, Udeke 78’
Ada-Laçi                        0-0
Naftëtari-Luftëtari                 1-5
Golat: Kajo 87’/ Allamani 31’, 56’, Lamnica 57’,70’, Kaçi 36’(11-m)
15 shkurt 2009
Gramozi - Dajti   
Gjyqtar: E. Jorgji
Pogradeci - Burreli  
Gjyqtar: P. Lapi

(Ndeshjet fillojnë në orën 14:30)

Renditja
SKUADRAT    N    F    B    H    Gol    P
1. SKËNDERBEU     17    12    3    2    35-20    39
2. LAÇI    17    10    3    4    25-12    33
3. KASTRIOTI    17    10    3    4    28-16    33
4. GRAMOZI    16    7    7    2    30-19    28
5. TËRBUNI    17    7    5    5    21-13    26
6. BURRELI    16    7    5    4    18-12    26
7. LUFTËTARI    17    7    4    6    25-22    25
8. DAJTI    16    6    5    5    19-17    23
9. TURBINA    17    7    2    8    21-20    23
10.BESËLIDHJA    17    6    3    8    22-30    21
11.SKRAPARI    17    5    4    8    16-19    19
12.SOPOTI    17    5    3    9    13-25    18
13.ADA    17    4    5    8    19-31    17
14.POGRADECI    16    4    2    10    17-21    14
15.BILISHT S.    17    3    5    9    21-28    14
16.NAFTËTARI    17    4    1    12    15-38    13