Skulptori shkodran në Itali, Genti Tavanxhiu, do të marrë pjesë në edicionin e 36-të të Ekspozitës Ndërkombëtare të Artit Bashkëkohor në Sulmona të Italisë.

Skulptori shkodran në Itali, Genti Tavanxhiu, do të marrë pjesë sot me një punim të veçantë në skulpturë në edicionin e 36-të të Ekspozitës Ndërkombëtare të Artit Bashkëkohor në Sulmona të Italisë. Këtë herë, frymëzimi i artistit shqiptar ka qenë ylli "Antares". Tavanxhiu thotë se "një ndër elementët që karakterizojnë këtë punim është përzgjedhja e gurit, material jo i zakonshëm, mermer i kuq, që vjen nga Afrika e Veriut, i cili të kujton ngjyrën e yllit Antares, në zemrën e konstelacionit të Akrepit. Ai quhet Alfha Scorpi. Për shkak të ngjyrës së tij të kuqe, ylli ka qenë objekt kulti, duke kultivuar një sërë mitesh e legjendash në popujt e lashtë të Mesdheut. Në veçanti, qytetërimi i lashtë i Egjiptit, orientonte tempujt drejt këtij Ylli. Një risi tjetër në punën e Genti Tavanxhiut është edhe dinamizmi vertikal që skulptura prezanton nëpërmjet formave gjeometrike, duke hedhur një sy drejt origjinës dhe fatit. Zhdërvjelltësia e formave, trajtimet e ndryshme të sipërfaqeve duket sikur përmbajnë në vetvete një shkrim “Texture”... Ekspozita Ndërkombëtare e Artit Bashkëkohor organizohet nga Shoqata kulturor. "Quadrivio" e Sulmonës, nën mbikqyrjen e Presidencës të Republikës së Italisë, Këshillit të Ministrave dhe provincës së Akuilës e Bashkisë së Sulmonës. Edhe këtë vit, ekspozita do të zhvillohet në skenën e Kiskos Satna Kiara. Në hapësirat e ndërtesës antike do të ekspozohen për publikun rreth 115 vepra arti në skulpturë dhe në pikturë të përzgjedhura nga 25 shtete të ndryshme të botës.