Sllovenia: Kosova "No problem"
Bosnja-Hercegovina perben nje problem me serioz per stabilitetin e Ballkanit, sesa Kosova. Ka qene kjo deklarata e kryeministrit te Sllovenise, Janez Jansha, vendi i te cilit kryeson qe prej 1 janarit presidencen e radhes se Bashkimit Europian. "Per Kosoven situata eshte e qarte, pra dihet ajo qe do te ndodhe, ndersa ceshtja shtrohet sesi do te behet kjo gje. Ndersa per Bosnjen shtrohet pyetja: A po funksionon me te vertete marreveshja e Dejtonit?" - tha Jansha. Sipas tij, nje shtet nuk mund te ekzistoje nese nuk mund te qeverise vetveten dhe per kete i nevojitet nje guvernator nderkombetar. Kryeministri slloven nga ana tjeter theksoi se qellimi i Bashkimit Evropian eshte implementimi i pavaresise se mbikeqyrur per Kosoven, e cila me pas do te coje ne pavaresine e plote te krahines shqiptare. Duke folur perpara gazetareve ne Lubjane, Jansha u shpreh se BE do te kete pushtet mbikeqyres ne kembim te ndihmes financiare dhe misionit me eksperte ligjore per Kosoven. Sipas tij, siguria do te vazhdoje te qendroje ne duart e NATO-s, e cila aktualisht ka 16 mije trupa ne Kosove. Jansha u shpreh se Bashkimi Evropian do t'i ofroje nenshkrimin e Marreveshjes se Asociim-Stabilizimit si Serbise, ashtu edhe Kosoves. Oferta e BE-se ndaj Serbise konsiderohet nga disa analiste si nje perpjekje per te joshur Beogradin qe te pranoje pavaresine e Kosoves, te cilen pritet qe Bashkimi Evropian ta njohe zyrtarisht, pas shpalljes se koordinuar te saj nga lidershipi shqiptar. Megjithese pak shtete anetare te BE-se, vecanerisht Qiproja, kane shprehur rezerva lidhur me pavaresine e krahines shqiptare, kryeministri slloven theksoi se ne kete rast unanimiteti i BE-se nuk eshte i nevojshem, dhe se kundershtimi i ndonje prej anetareve te bllokut nuk do te pengoje planet e Brukselit per Kosoven. "Unanimiteti nevojitet vetem atehere kur duhet te vendosen marredhenie mes Kosoves dhe Bashkimit Evropian, sic eshte per shembull, integrimi ne BE", - ka thene Jansha. Sipas tij, nuk mund te gjendet nje zgjidhje qe do te kenaqte te dyja palet, pra Serbine dhe Kosove, ndaj BE-ja do te vazhdoje perpara me nje zgjidhje te dyte, pra pavaresine e mbikeqyrur. Jansha shtoi se shpreson qe ceshtja e Kosoves te jete zgjidhur gjate Presidences se Sllovenise.