Viza, vetem bizneset anetare te Dhomes

Bizneset tashme mund te marrin nje vize drejt BE-se. Kryetari i Dhomes se Tregtise, Gjok Uldedaj, deklaroi se perfitues te vizave "Shengen" do te jene vetem ato biznese te cilat jane te anetaresuar ne Dhomen e Tregtise. Marreveshja e re eshte hapi i pare konkret drejt regjimit te udhetimit pa viza, per te lehtesuar kontaktet ndermjet njerezve, si nje kusht i rendesishem per zhvillimin e qendrueshem te lidhjeve ekonomike, duke lehtesuar leshimin e vizave per qytetaret e ketij vendi, dhe ne vecanti per biznesmenet dhe perfaqesuesit e organizatave te biznesit. Duke u ndalur pikerisht ne ate qe i intereson biznesit, duke qene nje perfaqesues i tyre, ai u shpreh se "pajisja me vize nga ana e ambasadave te vendeve te BE-se te akredituara ne Tirane, kerkon edhe miratimin e Dhomes se Tregtise dhe Industrise". Kjo do te thote se per "biznesmenet dhe perfaqesuesit e organizatave te biznesit, pas nje kerkese me shkrim nga nje person juridik ose nje shoqeri, organizate pritese ose nje zyre apo dege e ketij personi juridik a shoqerie, shteti ose autoritetet lokale te shteteve anetare ose komiteteve organizuese te ekspozitave tregtare dhe industriale, konferencave dhe simpoziumeve te mbajtura ne territoret e shteteve anetare, eshte i detyrueshem miratimi nga Dhomat e Tregtise dhe Industrise. Ne kete kuader, Uldedaj ndjen detyrimin te sqaroje te gjithe biznesin, se "leshimi i vizave per nevoja te biznesit kerkon detyrimisht anetaresimin ne Dhomen e Tregtise se Tiranes", pasi kjo sipas tij, vjen si detyrim i marreveshjes, duke qene se "ambasadat e vendeve te BE-se te akredituara ne Tirane marrin cdo dite nepermjet rruges elektronike, informacionin e nevojshem nga ana e Dhomes se Tiranes per te pajisur me viza anetaret e kesaj Dhome. Cdo rruge tjeter tashme eshte e pavlefshme, gjithnje ne zbatim te marreveshjes se mesiperme".