Solidarizohet Zvicra, ndërton spital në Siri

Lajmin e njoftoi sot Ministria e Jashtme e Konfederatës, e cila ndër të tjera tha që kjo iniciativë ka për qëllim t’i vijë në ndihmë popullsisë civile.

“Duke pasur parasysh përmasat që ka marë kriza siriane, Zvicra vendosi të mbështesë iniciativën e rrjetit të mjekëve me 55 mijë franga”, deklaroi zëdhënësi i ministrisë, Xhorxh Farago.

Berna po tregohet e gatshme për të mbështetur përpjekjet e tjera të shoqërisë civile për të lehtësuar vuajtjet e viktimave të shkaktuar nga përleshjet mes rebelëve dhe forcave të regjimit të Asadit.

“Qëllimi është krijimi i një shërbimi spitalor për popullsinë civile", theksoi Farago./Start/

                                                                                             2012-08-25 19:53