Sollaku: “Moszbatimi i kuadrit ligjor, favorizon pastrimin e parave”
26/04/2005 Rais pohoi se drejtësia ka nevojë për mjete logjistike dhe norma ligjore për të luftuar terrorizmin
Dje në Prokurorinë e Përgjithshme ka filluar një seminar njëjavor për Luftën Kundër Krimit Financiar dhe Pastrimit të Parave, ku kanë marrë pjesë hetues shqiptarë dhe misionarë të drejtësisë amerikane në vendin tonë. Gjithashtu, prezente ka qenë edhe ambasadorja amerikane në Shqipëri, Marsi Rais. Seminari është hapur nga Kryeprokurori Sollaku, i cili ka theksuar se organizatat kriminale nuk e kanë të vështirë që të kryejnë në Shqipëri investime në dukje të bazuara në ligj. Ndërsa, Rais ka pohuar se lufta kundër terrorizmit ka nevojë për mjetet e duhura logjistike.
Sollaku
“Ndonëse Shqipëria nuk është një nga vendet që ka lidhje historike me terrorizmin, mungesa e eksperiencës, e shkallës së njohjes së tij dhe moszbatimi i plotë i kuadrit ligjor, krijojnë terren të përshtatshëm që organizata kriminale me investime në dukje të ligjshme, të shfrytëzojnë vendin tonë si bazë për financimin e terrorizmit". Kjo ka qenë deklarata e djeshme e Prokurorit të Përgjithshëm, Theodhori Sollaku, gjatë seminarit mbi "Luftën Kundër Krimit Financiar dhe Pastrimit të Parave", ku kanë marrë pjesë edhe ekspertë të mbrojtjes e drejtësisë amerikane. Burime zyrtare të organit qendror të akuzës, thanë dje se, Sollaku pohoi që në Shqipëri përveç bizneseve të ndershme dhe të ligjshme ka edhe nga ato biznese që operojnë nën emra anonime. Sipas Kryeprokurorit Sollaku, në vendin tonë nuk mungon kuadri ligjor, por e nevojshme është zbatimi i tyre në praktikën e përditshme.
Marsi Rais
Ndërsa, ambasadorja amerikane në Tiranë, Marsi Rais, që ishte pjesëmarrëse në këtë seminar tha se, “terrorizmi financohet nga krimi financiar i sofistikuar dhe pastrimi i parave bëhet në vende, të cilat mund të jenë larg atyre që janë objekt i terrorizmit”. Ajo theksoi se, “bazuar në këtë logjikë, është më e rëndësishme se asnjëherë tjetër, që strukturat e zbatimit të ligjit të kenë mjetet e duhura logjistike dhe normat ligjore të nevojshme për të luftuar terrorizmin”. Fenomeni i krimit financiar, pastrimit të parave dhe hetimi ndaj tyre, janë objekt i seminarit njëjavor, mes ekspertëve shqiptarë të Ministrisë së Rendit, Prokurorisë dhe Financave, në bashkëpunim me ata të Agjencive të Departamentit Amerikan të Mbrojtjes, të Drejtësisë, Thesarit amerikan dhe misionit PAMECA në Tiranë.
Dje në Prokurorinë e Përgjithshme ka filluar një seminar njëjavor për Luftën Kundër Krimit Financiar dhe Pastrimit të Parave, ku kanë marrë pjesë hetues shqiptarë dhe misionarë të drejtësisë amerikane në vendin tonë. Gjithashtu, prezente ka qenë edhe ambasadorja amerikane në Shqipëri, Marsi Rais. Seminari është hapur nga Kryeprokurori Sollaku, i cili ka theksuar se organizatat kriminale nuk e kanë të vështirë që të kryejnë në Shqipëri investime në dukje të bazuara në ligj. Ndërsa, Rais ka pohuar se lufta kundër terrorizmit ka nevojë për mjetet e duhura logjistike.
Sollaku
“Ndonëse Shqipëria nuk është një nga vendet që ka lidhje historike me terrorizmin, mungesa e eksperiencës, e shkallës së njohjes së tij dhe moszbatimi i plotë i kuadrit ligjor, krijojnë terren të përshtatshëm që organizata kriminale me investime në dukje të ligjshme, të shfrytëzojnë vendin tonë si bazë për financimin e terrorizmit". Kjo ka qenë deklarata e djeshme e Prokurorit të Përgjithshëm, Theodhori Sollaku, gjatë seminarit mbi "Luftën Kundër Krimit Financiar dhe Pastrimit të Parave", ku kanë marrë pjesë edhe ekspertë të mbrojtjes e drejtësisë amerikane. Burime zyrtare të organit qendror të akuzës, thanë dje se, Sollaku pohoi që në Shqipëri përveç bizneseve të ndershme dhe të ligjshme ka edhe nga ato biznese që operojnë nën emra anonime. Sipas Kryeprokurorit Sollaku, në vendin tonë nuk mungon kuadri ligjor, por e nevojshme është zbatimi i tyre në praktikën e përditshme.
Marsi Rais
Ndërsa, ambasadorja amerikane në Tiranë, Marsi Rais, që ishte pjesëmarrëse në këtë seminar tha se, “terrorizmi financohet nga krimi financiar i sofistikuar dhe pastrimi i parave bëhet në vende, të cilat mund të jenë larg atyre që janë objekt i terrorizmit”. Ajo theksoi se, “bazuar në këtë logjikë, është më e rëndësishme se asnjëherë tjetër, që strukturat e zbatimit të ligjit të kenë mjetet e duhura logjistike dhe normat ligjore të nevojshme për të luftuar terrorizmin”. Fenomeni i krimit financiar, pastrimit të parave dhe hetimi ndaj tyre, janë objekt i seminarit njëjavor, mes ekspertëve shqiptarë të Ministrisë së Rendit, Prokurorisë dhe Financave, në bashkëpunim me ata të Agjencive të Departamentit Amerikan të Mbrojtjes, të Drejtësisë, Thesarit amerikan dhe misionit PAMECA në Tiranë.