Sot samiti për sigurinë bërthamore në Uashington

Kryeminstri turk Rexhep Tajip Erdogan mbërriti të dielën në bazën Air Force të shtetit amerikan të Maryland, për të marrë pjesë në samitin e sigurisë bërthamore që do të mbahet në Uashington të hënën dhe të martën. Zyrtarët e Shtëpisë së Bardhë thanë se presidenti amerikan Obama do të takohet me kryeministrin turk gjatë mbajtjes së samitit. Një komision i kongresit të SHBA-së votoi gjatë muajit të kaluar për masakrën ndaj armenëve gjatë Luftës së Parë Botërore duke e cilsuar atë si genocid. Presidenti amerikan Barack Obama do të mirëpresë zyrtarë të lartë nga 47 vende të botës në samitin që ka si qëllim parandalimin e përhapjes bërthamore. Zyrtarët e SHBA-së thanë se qëllimi kryesor i takimit është gjetja e mënyrës për të parandaluar përhapjen e e materialeve bërthamore.
Në axhendë është planifikuar të bashkohen së bashku një grup vendesh të ndryshme me programe bërthamore me qëllim mbledhjen e materialeve të rrezikshme atomike në mbarë botën.