Sotiri vjen në Tiranë

Fotografitë e “Sotirit” vijnë sot në Galerinë Kombëtare të Arteve. Edicioni i parë i konkursit ndërkombëtar për fotografë të rinj, i zhvilluar në Korçë gjatë muajit maj, vjen edhe në Tiranë. Janë 60 fotografi të 19 autorëve të rinj nga Austria, Belgjika, Greqia, Hollanda, Singapori, Maqedonia, Bosnje-Hercegovina, Finlanda, Kosova, Gjeorgjia dhe Shqipëria, të cilat paraqesin për publikun perceptimet e artistëve mbi konceptin “Save this/Ruaje këtë”. Koncepti fton për një marrëveshje mes fakteve dhe historisë, për të sjellë perceptime të artistëve mbi atë që ndodh në qendër dhe periferi të vëmendjes njerëzore.