Spanja lëvizë djathtas?

Pothuajse 30 milion spanjollë me të drejtë vote ju drejtuan kutive të votimit, për të zgjedhur një alternativë të re, në një prej vendeve evropiane më të goditur nga kriza e borxheve dhe rënia ekonomike.

Sipas të gjitha sondazheve, socialistët e kryeministrit Zapatero nuk kanë asnjë gjasë për t’u rizgjedhur përsëri. Pritet që fitues të jetë një koalicion i qendrës së djathtë, i udhëhequr nga Partia Popullore e Mariano Rajoj Brey.

Zapatero, i cili vendosi të mos rikandidonte për kryeministër, i bëri thirrje votuesve që të jenë të shumtë, për të zgjedhur alternativën që i përshtatet më mirë për të dalë nga kriza.

Me pesë milion të papunës, Spanja mban rekordin e papunësisë brenda Bashkimit Evropian. E përballur me mungesën e besimit të kreditorëve, norma e interesit për huamarrje shënoi gjithashtu rekord gjatë javës, kur iu afrua nivelit të rrezikshëm prej 7 për qind.

56-vjeçari Rajoj nga ana e tij ka premtuar një program ambicioz punësimi, ndërsa thekson se mënyra për të dalë nga borxhet nuk janë shkurtimet e mëdha, por nxitja e rritjes ekonomike.