Spanjë-Brazil, finalja e Botërorit

Në prag të Botërorit 2010, “bookmakers”-at u kanë propozuar bastexhinjve që të parashikojnë se cilat mund të jenë dy skuadrat finaliste të turneut. Sipas koeficienteve të përcaktuar, përballja më e mundshme është ajo ndërmjet Spanjës dhe Brazilit. Dueli ndërmjet kampionëve të Europës dhe “seleçaos” kuotohet me 12, e ndiqet nga sfida Angli-Spanjë, që në rast se do të realizohet, jep 13-fishin e bastit të vendosur. Parashikimet tregojnë qartë se “furia e kuqe” ka shanse të mira që të luftojë për Kupën. Por, mes favoriteve përfshihet edhe Argjentina: duelet e saj me Brazilin ose Anglinë e kanë koeficientin 19.