Sqarim i Zëdhënësit të Kryeministrit, z. Dritan Mishto

Lidhur me një artikull të botuar në numrin e sotëm të gazetës "Panorama", me titull: "Berisha – Tadiç përplasen për pavarësinë e Kosovës", në hyrje të të cilit thuhet se në shenjë proteste ndaj replikës së Tadiç, Kryeministri Berisha është larguar nga salla ku zhvillohej samiti, zëdhënësi i Kryeministrit deklaron se kjo nuk është aspak e vërtetë.
Gjatë punimeve të Samitit krerët e delegacioneve pjesëmarrëse kanë dëgjuar njëri – tjetrin në fjalimet dhe diskutimet e tyre. Kryeministri z. Sali Berisha pas fjalës së tij ka ndjekur edhe fjalën e programuar të zyrtarit vijues. Gjithashtu ai ka qëndruar në sallë edhe gjatë fjalës së Presidentit Serb Tadiç.
Më pas, Kryeministri z. Sali Berisha ka vazhduar axhendën e tij me takimin bilateral të rradhës.
Zhvillimi i punimeve të Samitit të Bashkëpunimit Ekonomik të Vendeve të Detit të Zi është një mundësi që zyrtarë të lartë të shteteve pjesëmarrëse të zhvillojnë takime mes tyre.