Standart and Poors paralajmëron Evropën

Standard and Poors ka provokuar një tërmet këtë javë në Evropë, duke deklaruar se ka nën mbikëqyrje 15 vende të eurozonës. Edhe vlerësimi me tre A i Gjermanisë është i kërcënuar.

Edhe bankat evropiane gjenden nën kërcënimin e agjencisë amerikane të vlerësimit S&P.

Nevoja për ri-kapitalizim është rishikuar por në ngritje, edhe për Deutche Bank, veçanërisht për borxhet e saj në rrezik.

Çifti Francë-Gjermani, i njohur si motori i Evropës për dinamizmin e tij, është në krizë.

Franca edhe pse nuk ka parë ende të ulur vlerësimin e saj për momentin, e ka marrë porosinë e Standard and Poors, e cila ka deklaruar se nuk është e thënë që ky vlerësim nuk ndryshon në 12-18 muajt në vijim.

Presidenti i Francës, Nicolas Sarkozy, gjendet përballë një situate shumë të vështirë, e në Francë vijon debati me qeverinë britanike për refuzimin nga ana e kësaj të fundit për të marrë pjesë në traktatin e ri të arritur në samitin e fundit për një bilanc të përbashkët.

Në krye të vendit që mbetet gjiganti ekonomik i Evropës, kancelaria gjermane, Angela Merkel, nuk ka pranuar të lëshojë pe për sa i përket bilancit.