Obama e nënshkroi ligjin për shpenzimet shtetërore

Presidenti i SHBA-së, Barack Obama, e nënshkroi ligjin për shpenzime shtetërore, të miratuar nga Kongresi, që mundëson të vazhdojë funksionimi normal i institucioneve qeveritare në SHBA, transmetojnë agjencitë botërore, duke iu referuar Shtëpisë së Bardhë.

Paraprakisht, Senati e miratoi ligjin që "peshon" 915 miliardë dollarë, me të cilin sigurohet financimi i aktiviteteve federale deri në shtator të vitit të ardhshëm. Ligji të premten u aprovua edhe nga Dhoma Përfaqësuese.

Një numër i madh i shërbimeve qeveritare, duke i përfshirë edhe Pentagonin, Agjencinë për mbrojtjen e mjedisit jetësor dhe Ministrinë e Punës, ishin nën kërcënimin që ta ndërpresin punën e tyre në fund të kësaj jave, para se gjithash për shkak të mos-aprovimit të ligjit sipas të cilit ato financohen.