Stanislawski, trajner i ri i Hoffenheimit

Holger Stanislawski do ta udhëheqë Hoffenheimin nga sezoni i ardhshëm. Klubi gjerman e ka zyrtarizuar angazhimin e trajnerit, i cili aktualisht i prin bankinës së St. Paulit- i parafundit në Bundesligën gjermane, me gjasa të mëdha për të rënë në ligën e dytë.

Stanislawski pritet ta përfundojë kështu aventurën që zgjati 18 muaj në St. Pauli.

Fillimisht, ai ishte lojtar i këtij ekipi, për ta marrë më pas rolin e trajnerit, kur i vendosi këpucët në gozhdë.